នៅសល់មិនដល់ប៉ុន្មានថ្ងៃទៀតទេ ច្បាប់ចរាចរណ៍នឹងចាប់ផ្ដើមពិន័យឡើងវិញលើការត្រួតពិនិត្យឯកសារផ្សេងៗរបស់យានជំនិះ។ ក្រោយកិច្ចប្រជុំក្រុមការងារវិសោធនកម្មច្បាប់ស្ដីពីចរាចរណ៍ផ្លូវគោក និងពិភាក្សាលើឯកសារជំនួយស្មារតីអំពីច្បាប់ចរាចរណ៍ផ្លូវគោកសម្រាប់ក្រុមការងារថ្នាក់ជាតិ សម្រាប់អ្នកបើកបរម៉ូតូ និងអ្នកបើកបររថយន្ត ត្រូវមាន៖
@សម្រាប់ម៉ូតូ៖
-អ្នកបើកបរម៉ូតូមានកម្លាំងម៉ាស៊ីនមិនលើសពី១២៥ cc ត្រូវមានអាយុចាប់ពី១៥ឆ្នាំឡើង និងភ្ជាប់នូវអត្តសញ្ញាណប័ណ្ណសម្គាល់ខ្លួន ឬលិខិតបញ្ជាក់អត្តសញ្ញាណមានតម្លៃស្មើ
-អ្នកបើកបរម៉ូតូមានកម្លាំងម៉ាស៊ីនចាប់ពី១២៦ cc ត្រូវភ្ជាប់នូវបណ្ណបើកបរប្រភេទ ក
-អ្នកបើកបរម៉ូតូកង់៣ និងម៉ូតូសណ្ដោងរ៉ឺម៉ក ត្រូវភ្ជាប់នូវបណ្ណបើកបរប្រភេទ ក
-បណ្ណសម្គាល់ម៉ូតូត្រូវយកភ្ជាប់តាមខ្លួន និងមានពាក់ផ្លាកលេខ
-មានកញ្ចក់មើលក្រោយ កង់ល្អ ហ្រ្វាំងស៊ី ភ្លើង និងកញ្ចក់ចាំងពន្លឺត្រូវដំណើរការច្បាស់ល្អ
-ត្រូវយកជាប់តាមខ្លួននូវបណ្ណបើកបរត្រឹមត្រូវតាមប្រភេទយានយន្ត
-បណ្ណសម្គាល់រថយន្តត្រូវភ្ជាប់តាមខ្លួន និងមានពាក់ផ្លាកលេខ
-ត្រូវយកភ្ជាប់តាមរថយន្តនូវវិញ្ញាបនបត្រត្រួតពិនិត្យលក្ខណៈបច្ចេកទេស លិខិតអនុញ្ញាតធ្វើអាជីវកម្ម
-ត្រូវមានកញ្ចក់មើលក្រោយ មានកង់ល្អ ហ្រ្វាំងស៊ី ចង្កូត ផ្លិតទឹកជូតកញ្ចក់មុខ-ក្រោយ និងកញ្ចក់ចាំងពន្លឺត្រូវដំណើរការច្បាស់ល្អ៕
