ភ្នំពេញ ៖ តារាចម្រៀងនិយមលេងខ្លួនសិចស៊ីនាង ឃិត សំម៉ាលីស រយៈពេលជិតមួយឆ្នាំចុង ក្រោយនេះហាក់បាត់មុខស្ងប់ស្ងាត់ពីសិល្បៈ ស្ទើរទាំងស្រុងបន្ទាប់ពីសម្រេចចូលរោងជ័យជាផ្លូវការជាមួយស្វាមីវ័យប្រហែលគ្នាកាលពីអំឡុងពាក់កណ្តាលឆ្នាំ២០១៥។ ទន្ទឹមគ្នានេះគេសង្កេតឃើញថានាងក៏មានការធ្លាក់ចុះផងដែរនូវប្រជាប្រិយភាពខណៈថ្មីៗនេះលេចធ្លាយដឹងពីការចង់ផ្អាកអាជីពសិល្បៈដោយមិនស្តាយស្រណោះហើយស្រវ៉ាទៅចាប់យកអាជីថ្មីខាងក្រៅផ្ទាល់ខ្លួន។
ការបាត់មុខមិនសូវឃើញបង្ហាញខ្លួនពីសំណាក់តារាចម្រៀងសាច់ស្រស់កញ្ញា ឃិត សំម៉ាលីស អស់មួយ រយៈពេលមកនេះបាន ធ្វើឱ្យមហាជនដែលធ្លាប់គាំទ្រដាក់ការចាប់អារម្មណ៍ និងលើកជាការសង្ស័យថា ប្រហែលជានាងមានគ្រោងចង់ផ្អាកជីវិតអាជីពសិល្បៈនេះហើយមើលទៅ ។ ស្របពេលដែលលេចដំណឹងថា ស្វាមីរបស់នាងមិនពេញចិត្តឲ្យតារាស្រីរូបនេះ បន្តអាជីពសិល្បៈទៀតនោះ។
មុននេះបន្តិចគេធ្លាប់ចាំបានតារាស្រីនាង ឃិត សំម៉ាលីស ត្រូវបានបណ្តាសារព័ត៌មានមានក្នុងស្រុកមួយចំនួន តែបានលើកឡើងនិយាយពីការលួចមានទំនាក់ទំនងស្នេហាក្រៅឆាករបស់តារាច្រៀងស្រីរូបនេះជាមួយបុរសដែលមានទ្រព្យសម្បត្តិស្តុកនៅក្នុងស្រុកម្នាក់រហូតសម្រេចចិត្តបញ្ចប់ភាពនៅលាវក្រាបក្បាលដល់កន្លេលយ៉ាងស្ងាត់ៗខណៈមានការសង្ស័យថា នាងមានកូនផ្ទៃពោះមុនពេលរៀបការ។ប៉ុន្តែបើទោះបីជាមានការលើឡើងយ៉ាងនេះ ក៏ពិតមែន មិនបានធ្វើឱ្យតារាស្រីរូបនេះឈឺក្បាលបញ្ចេញប្រតិកម្មឆ្លើយតបវិញនោះឡើង។
ស្របពេលគ្នានេះដែរកាលពីថ្មីៗនេះក៏មានដំណឹងរអេចរអូចលេចឭមកថាអ្នកនាង ឃិត សំម៉ាលីសពេលនេះកំពុងតែសប្បាយចិត្តជាមួយការងារបើកជំនួនផ្ទាល់ខ្លួនខាងក្រៅក៏ដូចជាការរស់នៅសាងស្នេហាផ្អែមល្ហែមជាមួយនឹងស្វាមីអ្នកជំនួញស្រុកម្នាក់។ យោងតាមប្រភពខាងលើបានឱ្យដឹងថា រយៈពេលចុងក្រោយនេះអ្នកនាង ឃិត សំម៉ាលីស គឺតែងបានសម្ញែងភាពហ៊ឺហាស៊ីវិល័យជាមួយនឹងការលេងខ្លួនដោយការប្រើប្រាស់នូវសម្ភារៈមានតម្លៃថៃ្លៗ និងទំនើបៗខុសប្លែកគ្នាជាងពេលមុខ។ម្យ៉ាងទៀតពេលនេះ ឃិត សំម៉ាលីស ហាក់ដូចជាពុំ សូវចាប់អារម្មណ៍ ការងារ សិល្បៈខ្លាំងដូចមុននេះទេព្រោះឥឡូវនេះកំពុងតែឈោងចាប់ពង្រីកអាជីពថ្មីក្រៅពីសិល្បៈ។
ប្រភពដដែលនេះបាននិយាយទៀតថា តារាស្រីអ្នកនាង ឃិត សំម៉ាលីស ទំនងអាចនឹងឈប់ពីសិល្បៈក៏ថា បានព្រោះក្នុងអំឡុងពេលចុងក្រោយនេះនាងហាក់ដូចជាប្រលែងចោលនូវការងារសិល្បៈស្ទើតែទាំងស្រុងទៅហើយ។ នៅរសៀលថ្ងៃទី២៣ ខែកុម្ភៈ ឆ្នាំ២០១៦នេះមិនទាន់អាចទំនាក់ទំនងបានទេ។ដូច្នេះយើងនិងស្វែងរកការបំភ្លឺពីនាង ឃិត សំម៉ាលីស នៅពេលក្រោយ។
ស្រីស្រស់និយមស្លៀកពាក់បែបសិចស៊ីអ្នកនាង ឃិត សំម៉ាលីស គឺជាតារាចម្រៀង មួយរូបដែលធ្លាប់មានភាពលេចធ្លោ នៅក្នុងផលិតកម្មដាយម៉ិនក្នុងចំណោមតារាចម្រៀងរួមដំបូល។តារានិយមខាងភាពសិចស៊ីបង្ហាញដើមទ្រូងយ៉ាងទ្រលុកទ្រលន់អ្នកនាង ឃិត សំម៉ាលីស ក្រោយពេលរៀបអាពាហ៍ពិពាហ៍រួចការងារសិល្បៈហាក់មានភាពស្ងប់ស្ងាត់ដូចចោរលួចសេះរហូតមានការសង្ស័យថានាងឈប់ពីសិល្បៈតម្រូវតាមចិត្តស្វាមី៕
