ភ្នំពេញ ៖ តារាស្រីល្បីល្បាញលើការប្រើប្រាស់សម្ភារៈមានតម្លៃថ្លៃ និងចូលចិត្តស្លៀកពាក់សិចស៊ីសម្ញែងសាច់ខ្ចី កញ្ញា ព្រីម លីហ្សា ថ្មីៗនេះត្រូវបានទស្សនិកជនអ្នកនិយមលេងបណ្ដាញសង្គមហ្វេសប៊ុកជាច្រើនបានធ្វើការរិះគន់យ៉ាងចាស់ដៃ បន្ទាប់ពីនាងបានបង្ហោះរូបថតមួយសន្លឹកក្នុងគោលបំណងចង់បង្អួតប្រាប់ពីម៉ូដសំលៀកបំពាក់ថ្មីដែលទើបបញ្ជាទិញពីក្រៅប្រទេស តែផ្ទុយពីនេះ បែរជាត្រូវគេរិះគន់ទៅវិញ។
តាមរយៈរូបថតមួយសន្លឹកស្ថិតក្នុងសំលៀកបំពាក់ពណ៌ខ្មៅ ដែលគេប្រទះឃើញបង្ហោះនៅលើបណ្ដាញសង្គមហ្វេសប៊ុក ហើយត្រូវបានយកទៅចែករំលែកកាលពីថ្មីៗកន្លងមកនេះ កញ្ញា ព្រីម លីហ្សា ត្រូវបានអ្នកនិយមលេងបណ្ដាញយក្សមួយនេះធ្វើការរិះគន់ថា ហេតុអ្វីនាងមានលុយរាប់ពាន់ដុល្លារទិញរបស់ថ្លៃៗមកស្លៀកពាក់ហើយបែរជាខុសទម្រង់ មើលទៅដូចជាមិនសមជាមួយរូបរាងសោះ។
ជាមួយគ្នានឹងការរិះគន់យ៉ាងដូច្នេះ ក៏មានការប្រៀបធៀបគ្នារវាងម៉ូដសំលៀកបំពាក់ដើមដែលនាង ព្រីម លីហ្សា ទិញយកមកប្រើប្រាស់ផងដែរ ដោយក្នុងនោះគេបានសរសេរថា ខុស Size ខណៈរូបរាងដើមរបស់គេស្លៀកពាក់មើលទៅសក្ដិសមស៊ីជាមួយដងខ្លួន និងទំហំលេខអាវ។ ចំណែកឯកញ្ញា ព្រីម លីហ្សា ពេលស្លៀកឈុតមួយនេះហាក់ដូចជាខុសគ្នាឆ្ងាយណាស់ព្រោះទំហំនៃលេខអាវ គឺមានលក្ខណៈរលុងធំជាងដងខ្លួន។
យ៉ាងណាមិញក្រោយពេលរូបថតមួយសន្លឹកនេះត្រូវបានបង្ហោះនៅលើបណ្ដាញសង្គមហ្វេសប៊ុកភ្លាមៗនេះដែលគេសង្កេតឃើញមានការShare ចែកចាយបន្តឲ្យគ្នាយ៉ាងព្រោងព្រាតនៅលើហ្វេសប៊ុក មានទាំងការរិះគន់ និងសរសើរបែបចំអក។
ជាការកត់សម្គាល់ ទោះបីជាមានការរិះគន់លើសំលៀកបំពាក់របស់តារាស្រី នាង ព្រីម លីហ្សា យ៉ាងនេះក៏ពិតមែន តែនាងមិនបានចេញមុខឆ្លើយតបនឹងការរិះគន់នេះឡើយ។
សូមបញ្ជាក់ថា កញ្ញា ព្រីម លីហ្សា ត្រូវបានទស្សនិកជនចាត់ទុកថានាងជាតារាស្រីមួយរូបរបស់ខ្មែរដែលចូលចិត្តបង្អួតពីភាពហ៊ឺហា និងប្រើប្រាស់សម្ភារៈទំនើបតម្លៃថ្លៃៗ។ មិនតែប៉ុណ្ណោះនាងក៏មានឈ្មោះជាតារាស្រីសិចស៊ី ចូលចិត្តបញ្ចេញរបស់ល្អៗឲ្យមហាជនទស្សនា មិនចេះជិនណាយផងដែរ៕
