ជំងឺមហារីកសុដន់ គឺជាជំងឺមហារីកមួយប្រភេទក្នុងចំណោមជំងឺមហារីកជាច្រើន ដែលអាចសម្លាប់មនុស្សស្រីជាច្រើនក្នុងមួយឆ្នាំៗ ទូទាំងពិភពលោក។ តាមការប៉ាន់ប្រមាណពីសមាគមន៍ជំងឺមហារីកសុដន់ សហរដ្ឋអាមេរិក បានបង្ហាញថា ស្ត្រីមានជំងឺមហារីក ៣២% ក្នុងនោះមាន ១៨% ត្រូវបានស្លាប់ដោយសារជំងឺមហារីកសុដន់។ អត្រានៃការកើតជំងឺមហារីកមានការកើនឡើងយ៉ាងខ្លាំងនៅ សហរដ្ឋអាមេរិក។
ជំងឺមហារីកសុដន់ត្រូវការអភិវឌ្ឍរយៈពេលយូរ ហើយមិនបង្ហាសញ្ញាប្រមាណជា ៨ ទៅ ១០ ឆ្នាំ ទាល់តែសិកាមហារីកអាចបង្កជាដុំសាច់ប្រហែលជា ១ សង់ទីម៉ែត្រ ទើបមើលឃើញ។
បច្ចុប្បន្ននេះមានវិធីសាស្ត្រ ៣ យ៉ាង ដើម្បីពិនិត្យតាមដានជំងឺមហារីកគឺ ពិនិត្យមើលដើមទ្រូងខ្លួនឯង, អូសអេកូ, ទៅពិគ្រោះជាមួយគ្រូពេទ្យបើសង្ស័យ។ ជំងឺនេះអាចធ្វើការព្យាបាលឲ្យជាសះស្បើយបាន ប្រសិនបើអ្នកឆាន់ដឹងរោគសញ្ញាដំបូង។
ការរកឃើញជំងឺមហារីកសុដន់ដំណាក់កាលទី ១ អាចព្យាបាលជារហូតដល់ ៩០% , ដំណាក់កាលទី២ ៨០%, ដំណាក់កាលទី៣ត្រឹមតែ ៦០% ខណៈដែលដំណាក់កាលទី ៤ ០% ។
ស្ត្រីដែលមានអាយុ ៣០ ឆ្នាំ គួរតែពិនិត្យមើលរោគសញ្ញាដោយខ្លួនឯងឲ្យបានទៀងទាត់ ហើយស្ត្រីដែលមានហានិភ័យខ្ពស់បំផុតនៅអាយុ ៤០ ឆ្នាំ។
បើយោងតាមអ្នកជំនាញអាល្លឺម៉ង បានបង្ហាញថា អ្នកគួរតែធ្វើបែបនេះជារៀងរាល់ខែ (ជាពិសេសប្រសិនបើអ្នកអស់រដូវ) ដើម្បីគេចផុតពីការស្លាប់ដោយសារតែជំងឺមហារីកសុដន់៖
ស្ទាបសុដន់
គេងដាក់ខ្នើយក្រោមស្មាដើម្បីកល់ទ្រូងឲ្យពើងឡើង រួចយកម្រាមដៃឆ្វេងបី ចុចត្រង់លើសុដន់ស្រាលៗឲ្យសព្វ។ អនុវត្តម្ខាង ហើយម្ខាងទៀត ប្រសិនបើអ្នកប៉ះដុំសាច់ ឬអ្វីខុសប្រក្រតីគួតែទៅជួបគ្រូពេទ្យភ្លាម។
ឆ្លុះកញ្ចក់
ដាក់ដៃរបស់អ្នកទៅលើក្បាលខាងក្រោយ រួមមើលទៅកញ្ចាក់ ប្រសិនបើមានភាពមិនប្រក្រតីណាមួយលើដើមទ្រូងទាំងពីរដូចជាង ហៀរទឹកដោះ, ស្បែកសុដន់យារធ្លាក់ខ្លាំង ឬក្បាលសុដន់ផ្លាស់ប្តូរពណ៌... អ្នកត្រូវតែមានការប្រុងប្រយ័ត្ន។
ពិនិត្យពេលងូតទឹក
លើកដៃស្តាំរបស់អ្នកដាក់លើកញ្ចឹងក រួចយកម្រានដៃខាងឆ្វេងស្ទាបត្រង់កន្លែងកូនកណ្តុរខាងស្តាំម៉ាស្សាថ្នមៗដោយប្រុងប្រយ័ត្ន។ បន្តធ្វើបែបនេះនៅលើសុដន់ដូចគ្នា ប្រសិនបើអ្នកឃើញឡើងដុំពក ឬអ្វីមួយខុសធម្មតា សូមទៅពិនិត្យជាបន្ទាន់៕
