ភ្នំពេញ៖ ជនសង្ស័យក្នុងបទល្មើសគ្រឿងញៀនពីរនាក់ត្រូវបានកម្លាំងកងរាជអាវុធហត្ថខណ្ឌដូនពេញឃាត់ខ្លួនកាលពីវេលាម៉ោង០០និង៣០នាទីយប់ឈានចូលថ្ងៃទី១៤ខែមីនាឆ្នាំ២០១៦នៅចំណុច ផ្លូវ១៥៤កែង៥១ សង្កាត់ផ្សារថ្មី៣ ខណ្ឌដូនពេញ។សមត្ថកិច្ចបានអោយដឹងថាជនសង្ស័យមានឈ្មោះ ទី១.ឈ្មោះ ម៉ុច សីហា ភេទប្រុស អាយុ២៥ឆ្នាំ មុខរបរលក់ដូរ ស្នាក់នៅផ្ទះលេខ២៤អឺ០ ផ្លូវ១៥ សង្កាត់ផ្សារចាស់ ខណ្ឌដូនពេញ និងទី២.ឈ្មោះ ពៅ សាវី ភេទស្រី អាយុ២៤ឆ្នាំ មុខរបរបុគ្គលិកហាងបារាំង ស្នាក់ផ្ទះជួលផ្លូវ១៧២កែង៥១ សង្កាត់ផ្សារថ្មី៣ ខណ្ឌដូនពេញ។
មន្រី្តកងរាជអាវុធហត្ថខណ្ឌដូនពេញបានឲ្យដឹងថា ក្នុងសកម្មភាពនេះដែរ សមត្ថកិច្ច ដកហូតបានវត្ថុតាងមានថ្នាំញៀនប្រភេទម្សៅក្រាមពណ៌សថ្លាចំនួន១កញ្ចប់តូច -ម៉ូតូ០១គ្រឿងម៉ាកវីវាពណ៌ខ្មៅ លេខ1FP:8193 មួគ្រឿង កូនកាំបិត១ ទូរស័ព្ទដៃ១គ្រឿងនិងសម្ភារៈប្រាស់គ្រឿងញៀនមួយចំនួនទៀត។បច្ចុប្បន្នជនសង្ស័យទាំងពីរនាក់ និងវត្ថុតាងត្រូវបានបញ្ជូនទៅ ទៅកានើការិយាល័យបង្ក្រាបបទល្មើសគ្រឿងញៀននៃបញ្ជាការដ្ឋានកងរាជអាវុធហត្ថរាជធានីដើម្បីចាត់ការបន្តតាមច្បាប់ ៕
