បន្ទាយមានជ័យ៖ ហេតុការណ៍គួរភ្ញាក់ផ្អើលមួយបានកើតកាលពីព្រឹកថ្ងៃទី០៥ មីនានេះ គឺបុរសម្នាក់ត្រូវគេប្រទះឃើញដេកស្លាប់ ក្នុងឡានហាយឡែនឌ័រ ស្ថិតនៅមុខក្រុមហ៊ុនអាន់នីរីតា បេសមេន ផៅវ័រ ជាប់ដងផ្លូវជាតិលេខ៥ ក្នុងភូមិអូរជ្រៅ សង្កាត់ប៉ោយប៉ែត ក្រុងប៉ោយប៉ែត។
បើយោងតាម ABC Cambodia Familyបានឲ្យដឹងថា បុរសម្នាក់នេះមានឈ្មោះ ខៀវ យ៉ាវ អាយុ ៣៤ ឆ្នាំ ជាអ្នករត់តាក់ស៊ីប៉ោយប៉ែត ក្រុងសិរីសោភ័ណ និងមានទីលំក្នុងនៅសង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ដោយដេកស្លាប់ក្នុងរថយន្តម៉ាកហាយឡែនឌ័រ ពណ៌ស្ករ ចង្កូតឆ្វេងពាក់ស្លាកលេខបន្ទាយមានជ័យ2A-4611 ។ សមត្ថកិច្ចជំនាញពាក់ព័ន្ធកំពុងចុះមកកន្លែងកើតហេតុ ហើយបានព័ទ្ធខ្សែសុវត្ថិភាព ដើម្បីបើកការត្រួតពិនិត្យនិងកោសល្យវិច័យលើសាកសព៕
