តារាសម្ដែងស្រីសិចស៊ីវ័យក្មេង ដេននី ខ្វាន់ បានព្រលយពាក្យឆ្លើយតបទៅនឹងការរិះគន់របស់ទស្សនិកជន ពីរឿងដែលនាងហ៊ានស្លៀកពាក់សិចស៊ីបិទបាំងតែកេរម្ដាយនោះថា «នាងមានរូបរាងសិចស៊ី ស្រស់ស្អាត…នាងមានលុយច្រើន ដូចច្នេះនាងមិនខ្វល់ពីការរិះគន់ទាំងនេះឡើយ…» ។
ក្រោយពីមានការចុះផ្សាយពីរូបភាពគឃ្លើននៃការបញ្ចេញសម្រស់រាងកាយស្ទើរតែទាំងស្រុងទាក់ភ្នែកមហាជន រួចមក ក៏មានសារព័ត៌មានជាច្រើនបានយកប្រធានបទនេះមកចុះផ្សាយជជែកវែកញែកពីរឿងដែលធ្វើឱ្យបាត់បង់តម្លៃក្នុងនាមជានារីខ្មែរមួយរូប ស្រាប់តែ ដេននី ខ្វាន់ ក៏បានចេញមុខបង្ហាញភាពក្លាហានទទួលស្គាល់នូវអ្វីដែលនាងបានធ្វើដោយបញ្ចេញសារខ្លីជាភាសាអង់គ្លេសប្រកបដោយទំនុកចិត្តឥតក្រែងនឹងពាក្យរិះគន់ថា...
«I am sexy body, I have beautiful, I have my own business, I have a lot of money, I never care about that, this is my right, my life style make me happy and successful and happiness also, so all of guys should look around the world, today not yesterday, I am artist the past of my life. Thank you so much all dear for negative and positive.» ។
ទោះបីជាយ៉ាងណា ក្រោយពីបញ្ចេញសារបង្ហាញពីឆន្ទៈនៃការបង្ហាញសម្រស់ដងខ្លួនរួចមក ក៏មានសាធារណជន ជាច្រើនគាំទ្រនូវគំនិតរបស់នាងផងដែរ បើទោះបីជាកន្លងមកមានមនុស្សមួយចំនួនបានរិះគន់ខ្លាំងៗមិនសំចៃមាត់ក៏ដោយ ។ សាធារណជនក៏បានកត់សម្គាល់ឃើញដែរថា ក្រោយពីតារាស្រីម្នាក់នេះ បញ្ចេញរូបភាព សិចស៊ីរបស់ខ្លួនពេញបណ្ដាញសង្គមរួចមក ប្រជាប្រិយភាពរបស់នាងក៏ហាក់មានសន្ទុះខ្លាំងរហូតដល់ទទួលដំណែងតួឯកក្នុងខ្សែភាពយន្ដ ហើយនាងក៏ឡើងកូដបង្អួតឡានថ្មីតម្លៃមិនតិចម៉ឺនដុល្លារទៀតផងកាលពីពេលថ្មីៗនេះ ៕
