ពោធិ៍សាត់ ៖ គូស្នេហ៍ជនជាតិខ្មែរឥស្លាម១គូត្រូវបានគេប្រទះឃើញលេបថ្នាំបំពុលកុកសម្លាប់ខ្លួនបណ្ដាលឲ្យស្លាប់ព្រមគ្នានៅក្នុងសាលាឆាន់ខាងជើងព្រះវិហារឥស្លាមសំរោងអណ្ដែត ហៅព្រះវិហារទួលទទឹង ស្ថិតក្នុងឃុំកញ្ជរ ស្រុកកណ្ដៀង ខេត្តពោធិ៍សាត់។
ហេតុការណ៍នេះបានកើតឡើងកាលពីវេលាម៉ោង៦និង៣០នាទីព្រឹក ថ្ងៃទី១០ ខែមីនា ឆ្នាំ២០១៦។ គូស្នេហ៍ទាំង២នាក់នោះ មានទី១.ឈ្មោះសុ សល់លី ភេទប្រុស អាយុ១៧ឆ្នាំ មានទីលំនៅភូមិកំពង់ឡ ឃុំកំពង់ពោធិ៍ ស្រុកក្រគរ ខេត្តពោធិ៍ និងទី២.ឈ្មោះស្មូត ទីណូ ភេទស្រី អាយុ១៦ មានទីលំនៅភូមិទទួលទទឹង ឃុំកញ្ជរ ស្រុកកណ្ដៀង ខេត្តពោធិ៍សាត់។
ពាក់ព័ន្ធនឹងករណីខាងលើ លោកអធិការស្រុកកណ្ដៀងបានសន្និដ្ឋានជាជំហានដំបូងថា ក្នុងចំណោមគូស្នេហ៍ទាំង២នាក់ខាងលើ អាចមានភាគីណាមួយត្រូវបានឪពុកម្ដាយ ឬក្រុមគ្រួសារពង្រាត់ ទើបពួកគេសម្រេចចិត្តណាត់គ្នាមកលេបថ្នាំបំពុលកុកបណ្ដាលឲ្យស្លាប់ព្រមគ្នាយ៉ាងសង្វេគបែបនេះតែម្ដង៕
