នៅក្នុងកម្មវិធីសម្ពោធរឿង “ដៃគូកម្ចាត់ខ្មោច” របស់ផលិតកម្ម KBS ដែលបានចាក់ញ្ចាំងជាផ្លូវការនៅរោងភាពយន្ត TK អ្នកនាង ខ្ញុង បានធ្វើឲ្យមហាជនមានការភ្ញាក់ផ្អើលយ៉ាងខ្លាំងជាមួយសម្រស់របស់នាង។
ក្រោយពីអ្នកនាង ខ្ញុង បង្ហាញវត្តមានភ្លាមបានធ្វើឲ្យសាធារណៈជនបានសរសើរថា នាងកាន់តែស្រស់ស្អាតខ្លាំងឡើង មិនត្រឹមតែអ្នកគាំទ្រនាងទេដែលបានសរសើររូបនាងនោះ សូម្បីតែអ្នកសិល្បៈដូចគ្នា ស្រីស្រស់សោភារាងតូចច្រឡឹង កញ្ញា នី មុន្នីនាថ ក៏បានភ្លាត់មាត់សរសើរនាងដែរ ថាបង ខ្ញុង ឥឡូវកាន់តែស្រស់ស្អាតជាងមុនឆ្ងាយណាស់។
បន្ទាប់ពីបានឃើញនាង ខ្ញុង មានសម្រស់កាន់តែស្រស់ស្អាត ស្រីស្រស់ នី មុន្នីនាថ មិនបង្អង់យូរនាង ក៏បានសួរសំនួរទៅកាន់អ្នកនាង ខ្ញុង ថា “ បងខ្ញុំង ញ៉ាំអ្វីបានជាស្អាតម្លេះ? នាងខ្ញុងក៏បានឆ្លើយតបភ្លាមថា បាននាងខ្ញុំមានរូបរាងស្រស់ស្អាត ដោយសារតែនាងញ៉ាំត្រី ព្រោះនាងខ្ញុំប្រយ័ត្នណាស់ចំពោះការ ទទួលទានអាហារ”។
គួរបញ្ជាក់ថា អ្នកនាង ខ្ញុង ក្រៅពីជាអ្នកកំប្លែងដ៏មានប្រជាប្រិយភាពរបស់ស្ថានីយទូរទស្សន៍ CTN អ្នកនាងខ្ញុង ក៏ជាអ្នកចម្រៀងមួយរូបរបស់ផលិតកម្មថោនផងដែរ៕
