តារាចម្រៀងកាណាដា Justin Bieber ដែលកំពុងមានបញ្ញាផ្លូវចិត្តបានកើតក្ដីមិនសប្បាយចិត្ត បន្ទាប់ពីលេចពាក្យចចាមអារ៉ាមថា អតីតមិត្តស្រី Selena Gomez កំពុងមានទំនាក់ទំនងស្នេហាជាមួយតារាចម្រៀង Charlie Puth។ក្រោយរឿងនេះកើតឡើង តាមប្រភពផ្ទៃក្នុងមួយបានទម្លាយប្រាប់ Hollywoodlife ថា Justin បានព្យាយាមទូរសព្ទនិងផ្ញើសារទៅ Selena មិនឈប់ដើម្បីនិយាយរឿងនេះ និងចង់ឲ្យនាងទុកឱកាសឲ្យគេម្ដងទៀត។ Justin មិនអាចបំភ្លេច Selena បានទេ។
ប្រភពបានបន្ថែមថា៖”ពួកគេក៏បានជួបគ្នា។ Bieberស្អប់ពាក្យចចាមអារ៉ាមស្នេហារបស់ Charlie និង Selena មិនត្រឹមតែប៉ុណ្ណោះគេក៏បានបោកទូរសព្ទ Selena ចោល ដើម្បីព្យាយាមនិយាយរឿងនេះឲ្យច្បាស់។ Justin មានអារម្មណ៍មិនរីករាយសោះ និងនិយាយថាគេនឹងយក Gomez ឲ្យបានពី Charlie”។មួយរយៈចុងក្រោយម្ចាស់បទ “Sorry” ហាក់ជួបបញ្ហាច្រើន ក្រៅពីរឿង Gomez និងCharlie កាលពីសប្ដាហ៍មុនគេបានលុបចោលការប្រគំតន្ត្រីនិងជួនអ្នកគាំទ្រព្រោះតែសំពាធផ្លូវចិត្ត។ តារាវ័យ២២ឆ្នាំក៏បានសរសេររៀបរាប់លើបណ្ដាញ Instagram របស់ខ្លួនថា៖“ពេលចប់កម្មវិធីម្ដងៗ ខ្ញុំមានអារម្មណ៍ថាអស់កម្លាំងពីខ្លួន និងបានទទួលសំពាធពីអ្នកគាំទ្រជាច្រើន ដែលធ្វើឲ្យខ្ញុំហត់នឿយខ្លាំងនិងមិនសប្បាយចិត្ត” ៕
