តារាសម្ដែងស្រីដ៏ល្បីប្រចាំប៉ុស្តិ៍ទូរទស្សន៍ TVB នាង Myolie Wu បានសម្រេចក្ដីសុបិនរបស់ខ្លួនជាមួយស្វាមីដោយបានធ្វើដំណើរទៅកាន់ ១២ កន្លែង ល្បីៗជំវិញពិភពលោកដើម្បីក្រេបទឹកឃ្មុំ ។ បន្ទាប់ពីតារាស្រីវ័យ ៣៦ ឆ្នាំ នាង Myolie Wu បានសម្រេចចិត្តចូលរោងការជាមួយតារាប្រុស Philip Lee កាលពីថ្ងៃទី ២៨ ខែធ្នូ ឆ្នាំ ២០១៥ រួចមក ពួកគេទាំងពីរនាក់បានចាកចេញពីប្រទេសកំណើតកាលពីខែមករា ដើមឆ្នាំ ២០១៦ ហើយបានធ្វើដំណើរទៅតំបន់ល្បីៗទាំង ១២ លើពិភពលោកដើម្បីក្រេបទឹកឃ្មុំ ។
សម្រាប់ថ្ងៃដំបូងនៅក្រៅប្រទេសរបស់គូស្វាមីភរិយាតារាចិនប្រុសស្រីខាងលើនេះគឺនៅក្រុង Niseko កោះ Hokkaido ប្រទេសជប៉ុន ហើយបានឆ្លងកាត់មហាសមុទ្រដើម្បីទៅលើកោះ Bora Bora ប្រទេសបារាំង និង ឆ្ពោះទៅកាន់ប្រទេស ញូវ ហ្សេឡែន (New Zealand) ។ក្រោយមកទៀតពួកគេទាំងពីរនាក់បានបន្តដំណើរទៅកាន់សហរដ្ឋអាមេរិក មានទីក្រុង Los Angeles និង ទីក្រុង New York ហើយបន្តទៅទីក្រុងឡុងដ្រ៍ ប្រទេសអង់គ្លេស កោះ Ireland ទីក្រុង Barcelona កោះ Santorini ក្រុងអាតែន (Athens) ប្រទេសក្រិក និង ទីក្រុងឌូបៃ ហើយសម្រាប់ដំណើរក្រេបទឹកឃ្មុំចុងក្រោយរបស់ពួកគេនៅប្រទេសម៉ាល់ឌីវ (Maldives ) ។
ខាងក្រោមនេះគឺជាកម្រងរូបថតរបស់តារាស្រីប្រចាំស្ថានីយទូរទស្សន៍ TVB នាង Myolie Wu និង ស្វាមី Philip Lee ដែលបានថតទុកជាអានុស្សាវរីយ៍ក្នុងកំលុងពេលដែលពួកគេទាំងពីរបានទៅក្រេបទឹកឃ្មុំអស់មួយរយៈពេលធំនៅ ១២ តំបន់ ល្បីៗជំវិញពិភពលោក ហើយរូបថតទាំងប៉ុន្មានសន្លឹកនេះដែរត្រូវបានបង្ហោះយ៉ាងព្រោងព្រាតនៅក្នុងកម្មវិធីសង្គម Instagram ថែមទៀតផង ៕
