លោកតា Shigeo Tokuda កើតនៅក្នុងខែសីហា ឆ្នាំ១៩៣៤ ក្នុងប្រទេសជប៉ុន គិតមកទល់ពេលនេះលោកតាមានវ័យប្រមាណ៨២ឆ្នាំហើយ តែអ្វីដែលពិសេស និងខុសប្លែកដាច់ពីគេ សម្រាប់មនុស្សក្នុងវ័យដូចគ្នាគឺថា Tokuda គឺជាតារាសម្ដែងរឿងអាសអាភាស ដ៏ល្បីខ្លាំងមួយរូប ក្នុងប្រទេសជប៉ុន ហើយត្រូវបានគេឲ្យរហស្សនាមជា អធិរាជតួសិចវ័យចំណាស់” (king of elderly porn) ទៀតផង។ទន្ទឹមគ្នានេះដែរ គេហទំព័រ Kqube.net (ខេឃ្យូប) សូមលើកយកការពិត៩យ៉ាង ដែលទាក់ទងជាមួយលោកតា Tokuda មកបង្ហាញជូនប្រិយមិត្តទាំងអស់គ្នា ដូច្នេះសូមបន្តអានមកខាងក្រោមនេះទាំងអស់គ្នា។
១. ដំបូងឡើយលោកតា Shigeo Tokuda ធ្វើការត្រឹមជាភ្នាក់ងារធ្វើដំណើរម្នាក់ ហើយចូលនិវត្តន៍នៅអាយុ៦០ឆ្នាំ។
២. ដោយការចូលនិវត្តន៍ធ្វើឲ្យគាត់ទំនេរពេក ដូច្នេះគាត់ក៏សម្រេចចិត្តចាប់ផ្ដើមអាជីពទីពីរ ជាតារាសម្ដែងរឿងអាសអាភាសនេះតែម្ដងទៅ។
៣. លោកតា Shigeo Tokuda ចាប់ផ្ដើមមានទំនាក់ទំនងជាមួយអ្នកដឹកនាំរឿងអាសអាភាស នៅពេលលោកតាទៅទិញវីដេអូរឿងអាសអាភាស ដោយផ្ទាល់ពីក្រុមហ៊ុនផលិតរឿងប្រភេទនេះ។
៤. ផលិតកម្ម Ruby ជាផលិតកម្មផលិតខ្សែភាពយន្តរឿងអាសអាភាស ដែលតារាសម្ដែងវ័យ៨២ឆ្នាំរូបនេះ បានចាប់អាជីពជាលើកដំបូង។
៥. លោកតាបានទទួលការចាប់អារម្មណ៍យ៉ាងខ្លាំង ពីសំណាក់ប្រទេសមួយចំនួននៅក្នុងទ្វីបអឺរ៉ុប នៅពេលដែលប៉ុស្តិ៍ទូរទស្សន៍ដ៏ល្បី CNN បានធ្វើការផ្សាយពីជីវប្រវត្តិរបស់គាត់។
៦. តារាសម្ដែងប្រុសទូទៅមិនសូវបញ្ចេញឈ្មោះទេ នៅក្នុងរឿងស៊ិចជប៉ុន ប៉ុន្ដែសម្រាប់លោកតា Tokuda វិញ គាត់មិនត្រឹមតែបញ្ចេញឈ្មោះទេ គាត់ថែមទាំងមាននិមិត្តសញ្ញាផ្ទាល់ខ្លួន សម្រាប់វីដេអូរឿងដែលគាត់បានសម្ដែងទៀតផង។
៧. លោក Gaichi Kono អ្នកដឹកនាំផលិតរឿងអាសអាភាស បានឲ្យដឹងថានៅក្នុងជំនាន់របស់គាត់ លោកតា Shigeo Tokuda គឺជាតារាសម្ដែងដ៏ល្បី (Super Star)”។
៨. លោកតាចាប់ជំនាញដ៏សំណាងរូបនេះ មានបំណងចង់បន្តអាជីពនេះ រហូតដល់អាយុ៨០ឆ្នាំ ឬលើសពីហ្នឹងទៀតក៏បាន។
៩. ជាចុងក្រោយ មកដល់ពេលនេះលោកតា Shigeo Tokuda ចូលរួមសម្ដែងរឿងសិចបានប្រមាណ៣៥០រឿង ដែលចំនួននេះគឺពិតជាច្រើនអស្ចារ្យតែម្ដង សម្រាប់តារាសម្ដែងក្នុងវ័យដូចលោកតា៕
