រាជធានីភ្នំពេញ : មនុស្សម្នាក់ៗតែងប្រាថ្នាចង់បាននូវគ្រួសារមួយប្រកបដោយសេចក្ដីសុខ និងសុភមង្គល។ ជីវិតក្រោយរៀបអាពាហ៍ពិពាហ៍ តែងតែមានវិបត្ដិបន្ដិចបន្ដួចចៀសមិនផុតឡើយ។ ក្នុងសង្គមគ្រួសារមួយ ដើម្បីទទួលបានសុភមង្គល លុះត្រាតែចេះស្រឡាញ់ចេះទៅវិញទៅមក ចេះអត់ឱនឲ្យគ្នា ចេះយោគយល់គ្នា រស់នៅដោយចុះសម្រុងគ្នា ចេះជួយទុក្ខធុរៈគ្នាពេលមានមានអាសន្នម្តងៗ ឬពេលជួបទុកលំបាកក្នុងគ្រួសារ។
បុរសជាប្តីមានតួនាទីយ៉ាងសំខាន់ក្នុងសង្គមគ្រួសារ ជាអ្នកគ្រប់គ្រងគ្រួសារ មើលការខុសត្រូវ មើលថែប្រពន្ធកូន ហើយជាពិសេសនោះ ជាអ្នករកប្រាក់មកផ្គត់ផ្គង់ជីវភាពគ្រួសារ។ សង្គមគ្រួសារឈានទៅរកសុភមង្គលទៅបាន បុរសជាប្តី និងប្រពន្ធត្រូវចាប់ដៃគ្នា ត្រូវយល់ចិត្តគ្នា ហើយជាពិសេសទៅទៀតនោះ បុរសជាប្តីក្រោយពីសម្រាកការងារត្រូវ ជួយសម្រាលការងាររបស់ប្រពន្ធមួយចំនួនដែលអាចធ្វើទៅបាន។
ប្តីល្អ ជាបុគ្គលមួយរូបចេះស្រឡាញ់គ្រួសារ ស្រឡាញ់ប្រពន្ធកូន មិនមានស្រីផ្សេងធ្វើបាបចិត្តប្រពន្ធនិងកូន មិនជឿពាក្យចាក់ចូច ឈ្នានីស របស់អ្នកដ៏ទៃបណ្តាលក្រុមគ្រួសារប្រេះឆា។
ជាក់ស្តែងកម្រងរូបថតជាច្រើនត្រូវបានអ្នកលេងសង្គមហ្វេសប៊ុកបានបង្ហោះ និងចែករំលែកតៗគ្នា ដែលបញ្ជាក់ពីប្តីល្អក្នុង ក្រុមគ្រួសារ ហើយត្រូវបានសរសើមិនដាច់ពីមាត់ ថាពិតជាល្អខ្លាំណាស់ ប្តីល្អ ត្រូវចេះជួយការងារប្រពន្ធពេលប្រពន្ធឆ្លងទន្លេ ឬមានធុរៈអ្វីមួយ ហើយសុភមង្គលគ្រួសារគឺកើតឡើងដោយដោយសារអ្នកទាំងពីរ។
