ស្រីតូចរូបស្រស់សោភាសាច់សរខ្ចី កញ្ញា នីឡា បានចូលប្រឡូកក្នុងវិស័យសិល្បៈតាំងពីនាងនៅជាកុមារី រហូតមកពេលនេះនាងធំពេញវ័យធ្វើឲ្យសាធារណៈជនមានការភ្ញាក់ផ្អើល និងរូបសម្រស់របស់នាង។
កញ្ញា វ៉ាន់ នីឡា ត្រូវបានសាធារណៈជនស្គាល់រូបនាងតាមរយៈការចូលលេងកំប្លែងជាមួយក្រុមកំប្លែងលោកពាក់មី ដែលមានលោក វិចទ័រ ដែលជាលោកប៉ារបស់នាងជាអ្នកជួយជ្រំជ្រែង ជំរុញ និងលើកទឹកចិត្តដល់រូបនាងគ្រប់ពេល ទើបធ្វើឲ្យរូបនាងមានភាពលេចធ្លោដល់សព្វថ្ងៃនេះ។
អ្វីដែលធ្វើឲ្យសាធារណៈជនប្លែកភ្នែកនោះគឺសម្រស់ស្រីតូច វ៉ាន់ នីឡា បានវិវត្តខ្លួនកាន់តែស្រស់ស្អាតឡើងពីមួយឆ្នាំទៅមួយឆ្នាំ ហើយអ្វីដែលពិសេសនោះគឺនាងចេះតុបតែងខ្លួនប្រាណកាន់តែធ្វើឲ្យសម្រស់របស់នាងស្រស់ស្អាតប្លែកថែមមួយកម្រិតទៀត។ ធ្វើឲ្យសាធារណៈជនបានសរសើរថា “ស្រីតូច នីឡា កាន់តែធំពេញវ័យកាន់តែស្រស់ស្អាត”។
កន្លងមកស្រីស្រស់រាងតូចច្រឡឹង កញ្ញា វ៉ាន់ នីឡា បានធ្វើឲ្យលោកប៉ារបស់នាងមានមោទនៈភាពចំពោះនាងរហូតដល់ស្រក់ទឹកភ្នែក ដោយសារតែរូបនាងជោគជ័យក្នុងអាជីពជាអ្នកកំប្លែងស្រីវ័យក្មេង៕
