ថ្ងៃនេះ ថ្ងៃស្អែក នឹងមានព្រឹត្តិការណ៍ផ្កាយដុះកន្ទុយហោះកៀកផែនដីជាប្រវត្តិសាស្ត្រ (មានវីដេអូ)
ថ្ងៃនេះ និងថ្ងៃស្អែក នឹងមានផ្កាយដុះកន្ទុយ២ហោះកាត់ផែនដី ក្នុងរយៈចម្ងាយជិតបំផុតមិនធ្លាប់មាន ដែលវាជាព្រឹត្តិការណ៍កម្រមួយក្នុងប្រវត្តិសាស្ត្រ ហើយវានឹងមានពន្លឺភ្លឺខ្លាំង ដែលអាចឲ្យគ្រប់គ្នាមើលដោយភ្នែកទទេឃើញ នេះបើយោងតាមសារព័ត៌មាន Los Angeles Times ។ផ្កាយដុះកន្ទុយទាំង២នោះមានផ្កាយ 252P/LINEAR មានទំហំ៧៥០ហ្វីត ស្មើនឹងជិត២៣០ម៉ែត្រ ហោះកាត់ចម្ងាយ៣.៣លានម៉ៃលពីភពផែនដី នៅថ្ងៃច័ន្ទ ទី២១ ខែមីនា វេលាម៉ោង៥:១៣នាទីព្រឹក (ម៉ោងនៅតំបន់ប៉ាស៊ីហ្វិក) ត្រូវនឹងម៉ោង៧:១៣នាទីយប់ (ម៉ោងស្រុកខ្មែរ) ។
ចំណែកផ្កាយមួយទៀតឈ្មោះថា P/2016 BA14 ដែលវានឹងហោះកាត់ផែនដីក្នុងរយៈចម្ងាយ២.២លានម៉ៃល តែវាមានទំហំតូចជាងផ្កាយ 252P/LINEAR ទេ ដោយវានឹងហោះមកកៀកនឹងផែនដីនៅថ្ងៃស្អែក ថ្ងៃអង្គារ ទី២២ ខែមីនានេះ នៅវេលាម៉ោង៧:៣០នាទីព្រឹក (ម៉ោងនៅតំបន់ប៉ាស៊ីហ្វិក) ត្រូវនឹងម៉ោង៩:៣០នាទីយប់ (ម៉ោងស្រុកខ្មែរ) ។ការហោះមកកៀកនឹងផែនដីនៃផ្កាយដុះកន្ទុយទាំង២នេះ គឺជាការហោះកៀកបំផុតរវាងចម្ងាយផ្កាយដុះកន្ទុយនិងផែនដី គិតចាប់ពីឆ្នាំ១៧៧០មក នេះបើយោងតាមគេហទំព័រ Sky and Telescope ។ ផ្កាយដុះកន្ទុយ 252P/LINEAR នឹងហោះមកកៀកនឹងព្រះអាទិត្យ ដែលធ្វើឲ្យវាមានពន្លឺភ្លឺខ្លាំង រហូតដល់យើងអាចមើលដោយផ្នែកទទេក៏ឃើញដែរ ៕
