ស្នេហារបស់សិល្បៈករ និងសិល្បៈការិនីភាគច្រើនកើតឡើងពីការសិក្សាអំពីគ្នាទៅវិញទៅមកប្រើពេលវេលាយ៉ាងយូរទើបសម្រេចរៀបអាពាហ៍ពិពាហ៍បង្ហាញដល់មហាជន តែក៏មានសិល្បៈករ និងសិល្បៈការិនី មួយចំនួនទៀតបានប្រើពេលវេលាសិក្សាយ៉ាងយូរពីគ្នាទៅវិញទៅមកតែស្នេហា មិនអាចឈានទៅដល់ចូលរោងការបាននោះទេក៏បែកបាក់គ្នាព្រោះតែមិនអាចរស់នៅជាមួយគ្នាបាន តែក៏មានអ្នកចូលរោងការហើយបានចែកផ្លូវគ្នាដើររៀងៗខ្លួនផងដែរ។
ជាក់ស្តែងដូចជាតារាស្រីប៉ុន្មានដួងនេះជាប់ឈ្មោះជាស្រ្តីម៉េម៉ាយដល់សព្វថ្ងៃមិនទាន់រៀបការប្តីទី២នោះទេព្រោះតែពួកគេខ្លាចខកបំណងជាលើកទី២ទើបរក្សាឈ្មោះនៅជាស្រ្តីម៉េម៉ាយដូចជា៖
អ្នកម៉េម៉ាយចាយសម្រស់សោភាកូនមួយ អ្នកនាង ចន ច័ន្ទលក្ខិណា ជាតារាសម្តែង និងបង្ហាញម៉ូដមួយរូប បន្ទាប់ពីលែងលះស្វាមីជាតារាសម្តែង លោក យុត្ថារ៉ា ឆានី នាងនៅមិនទាន់ចូលរោងការជាមួយបុរសទី២នោះដែរទោះបីពេលនេះមានទំនាក់ទំនងជាមួយគ្នាក៏ដោយ។
អ្នកមេម៉ាយចាយរាងអ្នកនាង កែវ ពេជ្រពិសី ជាតារាសម្តែងស្រី និងបង្ហាញម៉ូដបានរៀបអាពាហ៍ពិពាហ៍ជាមួយបុរសជាអនិកជនខ្មែររស់នៅក្រៅប្រទេស ប៉ុន្តែអាពាហ៍ពិពាហ៍រវាងនាង និងបុរសនោះមិនទាន់បានប៉ុន្មានផងក៏ចែកផ្លូវដើររៀងៗខ្លួន ។
អ្នកមេម៉ាយស្រស់ស្អាតកូនមួយសាច់ទ្រលុកទ្រលន់គួរឲ្យក្នាញ់ អ្នកនាង ឌុច សោភា ជាតារាសម្តែងដែលមានប្រជាប្រិយភាពខ្លាំងមុនពេលនាងរៀបអាពាហ៍ពិពាហ៍ បានរៀបអាពាហ៍ពិពាហ៍ជាមួយបុរសជាមន្រ្តីរាជការម្នាក់តែមិនបានប៉ុន្មានផងក៏បានចែកផ្លូវគ្នា។
អ្នកមេម៉ាយកូនមួយរាងខ្ពស់ស្រលះស្រស់ស្អាត អ្នកនាង យ៉ាន លីនដា ជាតារាសម្តែង និងចម្រៀងស្រីដែលបានរៀបការស្វាមីជាអ្នកសិល្បៈដូចគ្នា លោក យ៉ែម សំអូន ប៉ុន្តែប្តីប្រពន្ធមួយគូនេះបានបែកបាក់គ្នាដោយសារតែអ្នកនាង យ៉ាន លីនដា លើកឡើងថាលោក យ៉ែម សំអូន មានស្នេហាភេទដូចគ្នា ទើបធ្វើឲ្យនាងសម្រេចចិត្តចាកចេញពីស្វាមីជាអ្នកសិល្បៈដូចគ្នានេះ។
អ្នកមេម៉ាយកូនមួយរូបស្រស់ស្អាតស្រស់សោភាធ្វើឲ្យកន្លង់ជាច្រើនលង់និងសម្រស់របស់នាងនោះ អ្នកនាង សុខ ស្រី នាង ជាតារាចម្រៀងស្រីរបស់ផលិតកម្មសាន់ដេ ដែលបានរៀបការជាមួយលោក ស៊ី សុវត្ថិ ជាតារាចម្រៀងដូចគ្នា ប៉ុន្តែការរស់នៅជាមួយស្វាមីមិនបានប៉ុន្មានផងវ័យក្មេងដូចគ្នាទទួលបានចំណងដៃកូនមួយក៏បានចែកផ្លូវគ្នាធ្វើឲ្យនាងក្លាយជាស្រ្តីមេម៉ាយទាំងវ័យក្មេង៕
